父母愛孩子實不容質疑。只是究竟愛他還是害他才是現代社會，父母，虎爸虎媽，直昇機爸媽，怪獸家長。。。要思量的地方。
愛孩子。其中一個希望孩子可以從小學習的就是選擇。當中包含的不只是選擇甲還是乙的學問，是思考的練習，甚至是邏輯的訓練，更可以是學習表達自己，說服別人的鍛練。而從選擇更會學懂負責任，承擔後果。
最經典的例子，
媽媽問孩子：今天午餐想食什麼？
孩子二話不說：公仔麵！
媽媽：又食公仔麵？噚日咪食咗囉！
孩子：我真係想食公仔麵啊！
媽媽：唔好啦！揀過第二樣！
孩子：咁食麥當勞啦！
媽媽：麥當勞好咩？咁熱氣！
孩子：咁不如食肯德基啦！
媽媽：肯德基咪仲熱氣！不如去飲茶啦！行喇！
孩子：。。。。。。
爸媽很多時候會開明的給予孩子選擇權。只是在兩分鐘後，發現原來孩子未能"選擇"自己心中所想，就突然把孩子的選攞權扔走。如果這樣，情願爸媽不要虛假地給孩子選擇。因為孩子每次表達自己時，都被否定，長此下去，他就不會再願意發表意見，或只會求其回應。
我家孩子尚少，但也有自己可以選擇的東西。但免得太過困難，或出現上述麥嘜麥太式對白，木木太太都先把太多的選擇（非木木太太心中的選擇）剔除，剩下兩三項讓孩子自己決定。如早餐吃什麼，下午茶吃什麼，去公園穿什麼鞋，去街街穿那套衫等。穿什麼鞋由他挑吧！不配襯也好也不就是個小孩，若他晴天挑雨靴不就讓他熱出汗，下次就學醒目了！都無關痛癢的，但真心希望孩子學習自己決定自己可以掌握的東西。
父母可以供給孩子的都多，很豐富。但其實這些更重要，更難得的"技能"，可能更能令孩子高飛。只要給他機會，他就會長大。給孩子選擇。
Sent from Samsung Mobile
我對b好鐘意著水鞋，如果俾佢地見到嘅話無論出面好天定落雨都一定會揀水鞋著。婆婆同工人姐姐一定唔俾，因為焗腳，行兩步路就要除鞋，跟住就要赤腳行，返到屋企要洗腳，婆婆同工人唔想做善後工夫，所以唔會俾佢地著。有時工人唔識孩子心理，雖然佢好鍚BB，唔會呼喝，但好多時又唔可以吓吓都話“你唔可以咁樣同小朋友講。”如果可以我真係唔想用工人，但我又冇本事唔用。
ReplyDelete工人姐姐同婆婆湊？
Delete可否揀嘢俾工人姐姐做？接觸小朋友的就自己做？
ReplyDelete你要番工嗎？
我係全職媽媽。婆婆只係夜晚會倍BB瞓，工人唔留宿，朝早返工婆婆就會回家去。因我想BB食好啲，所以我付責買餸煮飯俾BB食，我忙嘅時候工人幫我睇住BB，其他職責包括打掃清潔，餵食BB就同工人一人餵一個，落街玩都係一行四人，擔心工人一個睇唔掂兩個。哄睡都係我付責。平時出街我都會盡快回家，因唔想工人獨對BB太耐。
ReplyDelete最近工人態度越來越差，BB七月可以入托兒所，如果佢唔再改善，我唔會再用佢，寧願自己辛苦啲。
ReplyDelete幸好你是全職媽媽！
Delete我會叫工人姐姐買我想BB食的，叫佢煮埋。心理和教育比食物來得重要。
Delete